Абай театрында премьера болады.

15:37, 17 ақпан 2017   416

Театр ұжымы көрермендер назарына өзбек драматургы Еркін Хушвактовтың «Қызыл алма» спектаклін ұсынбақ. Бір қарағанда шығарма желісі қарапайым болып көрінуі мүмкін. Немересін тәрбиелеп отырған әженің қақпасын бір жігіт қағады. Жоспары - жас аруды ғана емес, қарт ананың жеміс бағын иелену. Алайда, оның ойын әжей сезіп қояды. Біраз уақыт өткен соң, бұл үйге мейірімді де, адал жігіт келеді. Ол бар болғаны бақтан 1 қызыл алма алып жеуге рұқсат сұрайды. Осыдан кейін талай сынақтан өткен жігіт қарияның немересіне үйленеді. Комедия жастарды адалдыққа, ізгілікке шақырады. 1 актіден тұратын қойылымға 4 адам қатысады. Спектакльде театр ұжымының әртістері 2 құрамда ойнамақ. Көрермендер премьераны алдағы демалыс күндері тамашалай алады.   

«Қазақстан-Семей» телеарнасының ресми сайты

071403, Шығыс Қазақстан облысы, Семей қаласы, Шугаев көшесі, 157 үй Байланыс телефондары: 8 (7222) 53-20-16