Облысымыздың Курчатов қаласында мемлекеттік тілде оқытатын жаңа мектеп пайдалануға берілді.

15:14, 11 қаңтар 2017

Білім ордасы үш ауысымда оқытуды жою мақсатында, Елбасының «Нұрлы жол – болашаққа бастар жол» атты халыққа Жолдауы аясында салынған.

 600 орынға арналған заманауи мектептің құрылысына қаржы Ұлттық қордан бөлінген. Жаңа мектептің ашылуы ата-аналар мен оқушылар үшін үлкен мерекеге айналды. Себебі, бүлдіршіндер осыған дейін үш ауысымда оқыған болатын. Бұл өз кезегінде оқу үрдісінде бірталай қиындықтар туғызған еді. Қала әкімінің айтуынша, бұл- бүлдіршіндердің сапалы білім алулары үшін үлкен мүмкіндік.  НҰРБОЛ НҰРҒАЛИЕВ КУРЧАТОВ ҚАЛАСЫНЫҢ ӘКІМІ «Жастар – ел болашағы. Демек, мемлекеттің ертеңін өскелең ұрпақ қалайды. Қазақстан әлемде дамыған 30 елдің қатарына қосылуды мақсат етіп отыр. Жаңа мектепте білім алатын жастар осы межеленген белестерді бағындыруға атсалысатын болады». Білім ошағындағы оқу бөлмелері кең, әрі жарық. Мектепте компьютер сыныбы мен лингвистика кабинеті бар. Спорт залы мен асхана заманауи қондырғылармен жабдықталған. Бір сөзбен айтқанда, білім ошағында балалардың жан-жақты білім алулары үшін,барлық жағдай қарастырылған. АНАР  МҰҚАТАЕВА КУРЧАТОВ ҚАЛАСЫНЫҢ ТҰРҒЫНЫ  «Мектеп қазіргі заманға сай құрал-жабдықтармен қамтамасыз етілген. Бұл мектепте балалар сапалы білім алатынына сенімдіміз. Мектептің барлық сыныптарын аралап көрдік. Мектептің іші жарық. Бұрын мектебіміз тар болатын. Оқушыларға отыратын бөлмелер жетіспейтін.Қазір мына мектепке келіп әрбір баланың орын партасын көріп, қуанып жатырмыз». САНЖАР ТОҚТАРБЕК 11 СЫНЫП ОҚУШЫСЫ  «Бұрын бізде бір қазақ мектебі болатын. Осы қазақ мектебінде бала саны көп болатын. 3 ауысымда оқитынбыз. Спорт зал тар болатын. Қосымшаларға үлгермейтінбіз үш ауысымда болғандықтан. Мектеп өте әдемі». Мектеп құрылысына қарастырылған 867 млн. 440 мың теңге Ұлттық қордан бөлінген. Келісім шартқа сәйкес, алдағы 8 жылда қандай да бір олқылықтар пайда болған жағдайда, мердігер мекеме оларды қалыпқа келтіруге міндетті.     

Дарын Сағитов, Самат Секенов, Серік Нұртаза, «Семей» жаңалықтар қызметі 

Тақырып бойынша материалдар

Семейде мемлекеттік қызметкерлер үстел теннисінен өзара сайысқа түсті.
20:09, 20 сәуір 2018
Семейде мемлекеттік қызметкерлер үстел теннисінен өзара сайы...
Толығырақ...
Жарма ауданының өнер ұжымдары тегін концерт өткізді.
20:07, 20 сәуір 2018
Жарма ауданының өнер ұжымдары тегін концерт өткізді.
Толығырақ...
«Жаңа гуманитарлық білім. Қазақ тіліндегі 100 жаңа оқулық» жобаcы талқыланды.
15:40, 20 сәуір 2018
«Жаңа гуманитарлық білім. Қазақ тіліндегі 100 жаңа оқулық» ж...
Толығырақ...

Танымал жаңалықтар

Батыр қыз - Баян Байғожина атына Семейден көше берілмек
15:17, 19 сәуір 2018
Батыр қыз - Баян Байғожина атына Семейден көше берілмек
Толығырақ...
Семейде киокушинкай каратеден республикалық турнир өтті
20:51, 17 сәуір 2018
Семейде киокушинкай каратеден республикалық турнир өтті
Толығырақ...
Бобровка саяжайында бүлінген үйлер таяу уақытта жөнделмек.
20:44, 18 сәуір 2018
Бобровка саяжайында бүлінген үйлер таяу уақытта жөнделмек.
Толығырақ...